యోగాని సాధారణంగా మానసిక ప్రశాంతత, శారీరక సౌష్టవం, ఆరోగ్యానికి అవసరమని భావిస్తారు. అయితే, యోగా కేవలం మెదడును శాంత పరచడమే కాకుండా, దృఢమైన మరియు బలమైన శరీరాన్ని కూడా అందించగలదు. యోగాలో ఉన్న వివిధ ఆసనాలు, ప్రాణాయామం, మరియు ధ్యానం ద్వారా కండరాలను బలోపేతం చేయడంలో సహాయపడతాయి. అది ఎలానో ఇప్పుడు చూద్దాం.
మజిల్ బిల్డింగ్‌లో యోగా పాత్ర
మనం సాధారణంగా ఫిట్నెస్ కోసం జిమ్ కి వెళ్ళటం వల్లనే కండరాలు పెరుగుతాయని భావిస్తాం. కానీ, యోగాలోని కొన్ని ఆసనాలు శరీర బరువును వినియోగించుకుని కండరాలను ఫిట్ గా మారుస్తాయి. యోగాలోని స్ట్రెచింగ్ మరియు హోల్డింగ్ పొజిషన్లు, కండరాల పెరుగుదలకి సహాయ పడతాయి.
కండరాలకు శక్తిని అందించే ప్రధాన ఆసనాలు
కొన్ని ముఖ్యమైన యోగా ఆసనాలు మజిల్ బిల్డింగ్‌కి అనుకూలంగా ఉంటాయి. అవి:
ఫలకాసనం
ఈ ఆసనం చేతులు, పొట్ట, మరియు భుజాల బలం పెంచడంలో చాలా ప్రభావవంతంగా ఉంటుంది. ఇది కోర్ స్ట్రెంత్ ని మెరుగుపరిచి, తక్కువ సమయంలో శరీర శక్తిని పెంచుతుంది.
చతురంగ దండాసనం
ఇది సాధారణంగా పుష్-అప్ తరహాలో ఉండి, భుజాలు, చేతులు, మరియు ఛాతీ భాగాలను బలంగా మార్చుతుంది.
వీరభద్రాసనం
ఈ ఆసనం కాళ్ళు, మోకాళ్ళు, తొడలు మరియు నడుము భాగాలను బలంగా మార్చే విధంగా పనిచేస్తుంది.
నౌకాసనం
ఈ ఆసనం పొట్ట కండరాలను బలోపేతం చేయడంలో ముఖ్యపాత్ర వహిస్తుంది. కోర్ స్ట్రెంత్ పెరగడానికి ఇది చాలా ఉపయోగకరంగా ఉంటుంది.
అధోముఖ శ్వానాసనం
ఈ ఆసనం మొత్తం శరీరాన్ని లీనమయ్యే విధంగా ఉండి, వీపునొప్పిని తగ్గించి, చేతుల, కాళ్ళ కండరాలను బలోపేతం చేస్తుంది.
ఇది కూడా చదవండి: వర్కౌట్స్ తర్వాత మనం ఏమి తినాలి?
యోగాతో మజిల్ రికవరీ
శక్తివంతమైన కండరాలను పొందడంలో కేవలం వ్యాయామమే కాదు, వాటిని సరిగా రిలాక్స్ చేయడం కూడా అవసరం. యోగాలోని కొన్ని ఆసనాలు మరియు ప్రాణాయామం ద్వారా కండరాలు విశ్రాంతి పొందుతాయి, తద్వారా మంచి రికవరీ జరుగుతుంది. దీని వల్ల గాయం అవ్వకుండా శరీరం బలంగా తయారవుతుంది.
శరీరాన్ని సమతుల్యంగా మెరుగుపరిచే యోగా ప్రాక్టీస్
జిమ్ వ్యాయామాలు ఎక్కువగా ఒక నిర్దిష్ట కండరాల సమూహాన్ని లక్ష్యంగా చేసుకుంటాయి. కానీ యోగా శరీరాన్ని సమతుల్యంగా బలోపేతం చేస్తుంది. ఇది ఫ్లెక్సిబిలిటీ, ఎండ్యూరెన్స్, మరియు బలాన్ని సమతుల్యం చేసే విధంగా పనిచేస్తుంది.
మానసిక బలం
ఇది యోగాలో మరో ముఖ్యమైన అంశం. యోగాతో మనసు ప్రశాంతంగా ఉండటమే కాకుండా, సాధారణ వ్యాయామాలకు కన్నా ఎక్కువ పరిపూర్ణతని అందిస్తుంది. కంటిన్యూగా ప్రాక్టీస్ చేస్తే, శరీరం మాత్రమే కాకుండా మనసు కూడా బలంగా మారుతుంది.
ముగింపు
ఇదంతా చదివిన తర్వాత మీకేమనిపిస్తుంది? మజిల్ బిల్డింగ్ కోసం జిమ్ అవసరమే లేదనిపిస్తుంది కదూ! యోగాలోని ఆసనాలు, బాడీ వెయిట్ ని ఉపయోగించి మజిల్స్ ని స్ట్రాంగ్ గా మారుస్తాయి. దీని వల్ల శరీరం తక్కువ స్ట్రెస్ తో బ్యాలెన్స్డ్ గా అభివృద్ధి డెవలప్ అవుతుంది. కనుక, హెల్దీ అండ్ స్ట్రాంగ్ బాడీ కోసం డైలీ యోగా చేయండి!
డిస్క్లైమర్
ఆరోగ్యానికి సంబంధించి ఏ చిన్న సమస్య ఉన్నా వైద్యులను సంప్రదించడమే ఉత్తమం. ఈ ఆర్టికల్ కేవలం మీ అవగాహన కోసం మాత్రమే. అంతకుమించి healthyfabs ఎలాంటి బాధ్యతా వహించదు.