సమ్మర్ ఫ్రూట్స్ లో నేరేడు కూడా ఒకటి. ఇది మే, జూన్ నెలలోనే ఫలాలను ఇస్తుంది. తీపి, వగరు కలగలిపిన ప్రత్యేకమైన రుచి కలిగి ఉండే ఈ పండు… రోగాలను కూడా నియంత్రించే శక్తి కలిగి ఉంది. నేరేడు పండుని జామూన్ ఫ్రూట్, ఇండియన్ బ్లాక్ బెర్రీ, జావా ప్లమ్ లేదా బ్లాక్ ప్లమ్ ఇలా అనేక పేర్లతో పిలుస్తారు.
మనం ఫిట్ గా ఉండాలంటే, నేచురల్ ఫుడ్ తీసుకోవాలి. అలాంటి నేచురల్ ఫుడ్స్ లో ఈ జామూన్ కూడా ఒకటి. జామూన్ పండే కాదు, దాని ఆకులు, బెరడు కూడా శరీరానికి ఎంతో మేలు చేస్తాయి. ముఖ్యంగా శరీరానికి ఎంతో అవరసమైన విటమిన్ సి దీనిలో అధికంగా లభిస్తుంది. అలాగే, ఇమ్యూనిటీని పెంచుతుంది.
పోషక విలువలు:
ఇందులో యాంటీఆక్సిడెంట్స్, కాల్షియం, ఫాస్పరస్, ఫ్లేవనాయిడ్స్, సోడియం, థయామిన్, రైబోఫ్లోవిన్, కెరోటిన్, ఫైబర్, నియాసిన్, ఫోలిక్ యాసిడ్, ప్రోటీన్స్ మరియు ఫ్యాట్ వంటి ఎన్నో న్యూట్రిషన్స్ ఉన్నాయి.
ఆరోగ్య ప్రయోజనాలు:
ఈ పండు ఎన్నో రకాల ఆరోగ్య సమస్యలని తగ్గిస్తుంది. ముఖ్యంగా గుండె సమస్యలు, చర్మ సమస్యలు, మధుమేహం, ఆర్థరైటిస్, అంటువ్యాధులు, గ్యాస్ ప్రాబ్లెమ్స్, కడుపు నొప్పి, ఉబ్బసం, విరేచనాలు వంటి అనేక సమస్యలని తగ్గిస్తుంది. మరి అలాంటి నేరేడు పండ్లని తింటే ఎన్ని ప్రయోజనాలున్నాయో ఇప్పుడు చూద్దాం.
-
హిమోగ్లోబిన్ని పెంచుతుంది:
జామూన్లో విటమిన్ సి, మరియు ఐరన్ పుష్కలంగా ఉన్నందున, ఇది హిమోగ్లోబిన్ కౌంట్ను పెంచడానికి సహాయపడుతుంది.
అలాగే, కామెర్లు మరియు రక్తహీనతతో బాధపడేవారికి ఇది చాలా మంచిది. జామూన్లో ఉండే ఐరన్ కంటెంట్ బ్లడ్ ప్యూరిఫైయర్గా కూడా పనిచేస్తుంది.
ఇంకా, ఋతుక్రమం సమయంలో మహిళలు రక్తహీనతని ఎదుర్కొంటారు. అందువల్ల అటువంటి పరిస్థితులలో ఇది ప్రయోజనకరంగా ఉంటుంది.
-
గుండెను ఆరోగ్యంగా ఉంచుతుంది:
గుండెను ఆరోగ్యంగా ఉంచడానికి, మరియు గుండె సమస్యలను దూరం చేయడానికి జామున్ ఎంతగానో ఉపయోగపడుతుంది. జామూన్లోని డైటరీ ఫైబర్లు, మరియు యాంటీఆక్సిడెంట్లు కొలెస్ట్రాల్ స్థాయిలను నియంత్రించడానికి, మరియు ఎలాంటి డ్యామేజ్ ఏర్పడకుండా నిరోధించడానికి దోహదపడతాయి.
ఈ పండులో పొటాషియం ఉంటుంది, ఇది స్ట్రోక్, అధిక రక్తపోటు, మరియు గుండె సమస్యల వంటి వ్యాధులను నివారిస్తుంది.
ఇది ఎల్లాజిక్ యాసిడ్, ఎల్లాగిటానిన్స్, ఆంథోసైనిన్స్ వంటి ఇతర ముఖ్యమైన పోషకాలను కూడా కలిగి ఉంటుంది. అందుకే, క్రమం తప్పకుండా జామూన్ తినే వ్యక్తుల ధమనులు గట్టిపడకుండా నిరోధిస్తాయి.
-
జీర్ణ సమస్యలకు చికిత్స చేస్తుంది:
జామున్ డైజెస్టివ్ ప్రాపర్టీస్ ని కలిగి ఉంది. అందువల్ల ఇది కడుపు సమస్యలకు సహాయపడుతుంది. చాలా కాలంగా కడుపులో పేరుకుపోయిన మలినాలను బయటకు పోవటానికి నేరేడు పండ్లను తినటం మంచిది.
ఈ పండులో విటమిన్ ఎ, మరియు సి పుష్కలంగా ఉన్నాయి. అందుచే శరీరాన్ని డిటాక్సిఫై చేస్తుంది. అలాగే, జీర్ణ సంబంధిత సమస్యలైన గ్యాస్, ఉబ్బరం, మలబద్ధకం వంటి వాటిని పోగొడుతుంది.
కడుపులో ఎక్స్ట్రా యాసిడ్ ఏర్పడకుండా నిరోధించే యాంటాసిడ్ గుణాలు కూడా జామూన్లో ఉన్నాయి. అందువల్ల, ఇది అజీర్ణ సమస్యలు, పొట్టలో పుండ్లు, అల్సర్ సమస్యలకు చికిత్స చేయడంలో సహాయపడుతుంది.
జిగట విరేచనాలతో బాధపడే వారు నేరేడు పండ్ల రసాన్ని తాగినట్లయితే, శక్తితోపాటు పేగుల కదలికలు కూడా నియంత్రణలో ఉంటాయి.
-
శ్వాసకోశ సమస్యలతో పోరాడుతుంది:
నేరేడు పండు అన్ని రకాల శ్వాసకోశ సమస్యలకు చికిత్స చేయడానికి సాంప్రదాయక ఔషధంగా పరిగణించబడుతుంది.
ఇది ఆస్తమా, జలుబు, మరియు ఫ్లూ వంటి సమస్యలకు చికిత్స చేయడంలో సహాయపడే అనేక శక్తివంతమైన యాంటీబయాటిక్స్ మరియు యాంటీ ఇన్ఫ్లమేటరీ లక్షణాలను కలిగి ఉన్నట్లు తెలిసింది.
జామున్ ముక్కు మరియు ఛాతీలో ఏర్పడిన క్యాటరాను వదులుతుందని, అందువల్ల శ్వాసను సులభతరం చేస్తుంది. ఆస్తమా, బ్రాంకైటిస్ సమస్యలకు కూడా ఈ పండు ఉపయోగపడుతుంది.
-
బరువు తగ్గడంలో సహాయపడుతుంది:
జామున్ తక్కువ కేలరీలు కలిగి, ఎక్కువ ఫైబర్ కలిగిన పండు. అందుచే బరువు తగ్గించే ఆహారాలలో చేర్చడానికి ఇది సరైనది. ఇది జీర్ణక్రియను మెరుగుపరుస్తుంది మరియు శరీరంలో నీరు నిలుపుదలని తగ్గిస్తుంది.
జామున్ శరీరం యొక్క జీవక్రియను పెంచడంలో సహాయపడుతుంది, ఆకలిని తీర్చుతుంది మరియు ఎక్కువ కాలం పాటు కడుపు నిండుగా, మరియు తృప్తిగా ఉండేలా చేస్తుంది.
జామున్లో గల్లిక్ యాసిడ్ మరియు ఎల్లాజిక్ యాసిడ్ ఉన్నాయి. ఇవి జీవక్రియ పనిచేయకపోవడాన్ని మెరుగుపరుస్తాయి మరియు క్రమంగా బరువు తగ్గడంలో సహాయపడతాయి.
-
చర్మాన్ని ఆరోగ్యంగాను, కాంతివంతంగాను ఉంచుతుంది:
జామున్ రక్తాన్ని డిటాక్సిఫై చేస్తుంది, మరియు క్లీన్ చేస్తుంది. అలాగే చర్మాన్ని బ్రైట్ గా కూడా ఉంచుతుంది. మొటిమలు, మచ్చలను నయం చేయడంలో సహాయపడే ఆస్ట్రింజెంట్ లక్షణాలను కూడా కలిగి ఉంటుంది.
జామున్లోని ఉన్న విటమిన్ సి లక్షణాలు శరీరంలో ఉత్పత్తి అయ్యే ఎక్స్ట్రా ఆయిల్ ని న్యూట్రలైజ్ చేస్తుంది. మరియు డార్క్ స్పాట్ల చికిత్సలో కూడా సహాయపడుతుంది. ఇందులో ఉండే యాంటీ ఆక్సిడెంట్స్ శరీరంపై ఉండే గీతలు, ముడతలను పోగొడతాయి. ఇంకా వృద్ధాప్య ఛాయలు కూడా త్వరగా కనిపించవు.
-
మధుమేహాన్ని నియంత్రిస్తుంది:
ఆయుర్వేదం ప్రకారం, డయాబెటిస్ ని నియంత్రించటంలో నేరేడు ఎంతగానో సహాయపడుతుంది. నేరేడు గింజల్లో ఉండే జాంబోలిన్, మరియు జాంబోసిన్ వంటి పదార్థాలు రక్తంలోని గ్లూకోజ్ స్థాయిలను తగ్గించి… ఇన్సులిన్ విడుదలను పెంచుతాయి.
తరచుగా మూత్రవిసర్జన, మరియు దాహం వంటి డయాబెటిక్ లక్షణాలను ఇది తగ్గిస్తుంది. రక్తంలో గ్లూకోజ్ స్థాయిలను తగ్గించడానికి జామున్ ఎంతగానో ఉపయోగపడుతుంది.
-
దంతాలు, మరియు చిగుళ్లను బలపరుస్తుంది:
నోటి పరిశుభ్రత కోసం కూడా ఈ నేరేడు పండ్లని ఉపయోగిస్తారు. దంతాలు మరియు చిగుళ్లను బలోపేతం చేయడంలో ఇది ఎంతో ప్రయోజనకరంగా ఉంటుంది. జామూన్లో ఉండే యాంటీ బాక్టీరియల్ లక్షణాలు మరియు విటమిన్ కె వంటివి చిగుళ్లలో రక్తస్రావం జరగకుండా కాపాడతాయి.
అనేక ఇతర పోషకాలలో, విటమిన్ ఎ, సి, కాల్షియం, ఫోలిక్ యాసిడ్ మరియు ఫైటోస్టెరాల్స్ నోటి లోపల ఆరోగ్యకరమైన కణజాలాలను నిర్వహించడంలో సహాయపడతాయి. ఈ పండు యొక్క ఆకులను ఎండబెట్టి పొడి చేసి, దానిని దంతాలపై అప్లై చేస్తే చిగుళ్ళు, మరియు దంతాలు బలపడతాయి.
-
అంటువ్యాధుల నుండి రక్షిస్తుంది:
సూక్ష్మక్రిములతో పోరాడటానికి, మరియు శరీరాన్ని ఇన్ఫెక్షన్ల నుండి రక్షించడానికి జామున్ ఎంతగానో ఉపయోగపడుతుంది. ఇందులో ఉండే యాంటీ బాక్టీరియల్, మరియు యాంటీ ఫంగల్ లక్షణాలు జెర్మ్స్ మరియు బ్యాక్టీరియాను వదిలించుకోవడమే కాకుండా గాయాలను త్వరగా నయం చేయడానికి కూడా సహాయపడతాయి.
-
రోగనిరోధక శక్తిని పెంచుతుంది:
జామూన్లోని బయో-యాక్టివ్ లక్షణాలు అలసట, బలహీనతను తగ్గించి, తాజాగాను, ఉత్సాహంగాను ఉంచుతాయి. జామూన్లోని ఫినాలిక్ సమ్మేళనాలు రోగనిరోధక శక్తిని పెంచుతాయి.
-
థైరాయిడ్ని నియంత్రిస్తుంది:
జామూన్ సీడ్ పౌడర్లో జింక్ ఉన్నందున, ఇది థైరాయిడ్ హార్మోన్లను సక్రియం చేయడానికి సహాయపడుతుంది. తద్వారా థైరాయిడ్ని స్టిమ్యులేట్ చేస్తుంది.
ఎలా తీసుకోవాలి?
జామున్ను పండ్ల రూపంలో తీసుకోవచ్చు; పొడి రూపంలో ఉపయోగించవచ్చు; జ్యూస్గా తయారుచేయవచ్చు; లేదా సలాడ్లు మరియు స్మూతీస్ వంటి అనేక ఆరోగ్యకరమైన వంటకాల్లో కూడా దీనిని ఉపయోగించవచ్చు, ఎందుకంటే ఇది బరువు తగ్గడంలో ఎంతగానో సహాయపడుతుంది.
మెడిసినల్ సప్లిమెంట్స్:
ఇది పురాతన కాలం నుండి ఆయుర్వేద చికిత్సలు మరియు మందులలో ఎంతగానో ఉపయోగపడుతుంది. నేరేడు పండ్లు, ఆకులు, బెరడుతో చేసిన క్యాప్సూల్స్, మరియు టాబ్లెట్స్ మార్కెట్లో విరివిగా లభిస్తున్నాయి.
ముగింపు:
ఇన్ని ప్రయోజనాలు కలిగిన నేరేడు పండ్లను గర్భిణీలు మాత్రం ఎటువంటి పరిస్థితులలో తినకూడదని నిపుణులు చెబుతున్నారు. ఎందుకంటే, ఇది జీర్ణ సమస్యల నుండి ఉపశమనం కలిగిస్తుంది. కానీ పోషకాలు అధిక మోతాదులో ఉండటం\ వల్ల మలబద్ధకం సమస్య రావచ్చు. నేరేడు అరగడానికి ఎక్కువసమయం పడుతుంది కాబట్టి ఉప్పు వేసి అప్పుడప్పుడు తీసుకోవాలి.